مدونة الساخر : عدنــا من جديد 2015 .. عفوا للتواصل معي على التويتر : لا يوجد

كم زائر دخل المدونة ؟





*



الأحد، 9 يناير 2011

لما تروح الجمعية .. إحذر إحذر إحذر !!


1- أربع صبيان قاعدين بره عند مدخل الجمعيه على الدرج لابسين دشاديش و يشربون بيبسي و ياكلون كتكات .. واحد منهم ماسك عصاية و يرسم أحلامه على الأرض


2- صبيان أثنين أعمارهم تسع و ثمن سنين يدزون عربانات فاضيه بسرعه قاتله في الممرات و ياخذون لفات كبيره على غفله .. يا يدوسون على عباية وحده .. يا يدعمون مطوع من ورى


3- حجية تقلب بالأغراض و تسأل .. وين العرووض ؟؟؟ ماكو عروووض ؟؟ ماكو شوربه مع قلاصات ؟؟ حليب مع صحون ؟؟ ماي مع كرتون بيبسي هدية ؟؟ طيح الله حظكم من جمعية


4- سايق هندي ماسك ورقه محتاس فيها كل شوي موقف أحد يقوله: بابا هذا شنو ؟؟ ماما ممكن يشوف مدام شنو يبي ؟؟ آنا مادري ليش مدامته كاتبه لستتها بالعربي و هو ما يعرف يقرى !! تتوقعون كاتبه اللسته لنا ؟؟ 


5- خدامه كاسره بيض عالأرض .. مو آنا مداام !! واللهي مو آنا !! هادا كلووودي


6- واحد أخذ بطل ماي و شرب نصه و رد حذفه بالثلاجه جنه محد شاف


7- الحجيه اللي مساع مسويه لويه .. هالمره تصارخ و تنادي تبي أحد ينزل لها كرتون دياي 


8- نفس الحجيه لما توصل عند الكاشير بتحاسب .. يمااا بس يوصل حسابي ثلاثين دينار وقف عين الحجيه على الهندي اللي يحط أغراضها بالجياس ..شوي شوي .. ديربالك .. صابون بروح أكل بروح .. حط في العربانه جياس زياده حق البيت .. يحط لها ما يعجبها .. تقوم و تخمط هي زياده


9- واحد ملقوف ينقز بويه الحجيه .. حجيه عندج رقم ؟؟ إذا ما عندج أعطيج رقمي طقيه
إنت من صجك ؟؟؟ إنت لو شايفها و هي تدور العروض تتأكد إنها مستحيل تشتري حتى علج بو سهم من جمعية مو مساهمه فيها


10- خدامه اندونيسيه تدز عربانه إرتفاع الأغراض فيها متر و تسعين .. كل ما بغت تلف فتحت رجلها زاويه منفرجه و طيحت 3 أرباع الأغراض عالأرض و قعدت تلملم


11- واحد عربانته متروسه وصاف دور جدام الكاشير .. توه وصل دوره جان ينط واحد جدامه .. ما عليه أحاسب قبلك ؟؟ قوطي زقاير بس ؟؟ تفضل .. خلص بو زقاير نطت له وحده .. ولي يعافيك ما عندي الا قوطي هالحليب .. يصير أحاسب قبلك ؟؟ تفضلي .. خلصت أم حليب .. نط له واحد ثالث و لي يعافيك بطل فيمتو بس ؟؟ أووف إنتوا صج ما تنعطون وجه! ما يسوى علي عربانتي المتروسه !! الجمعيه كلها حاسبت قبلي 


12- واحد و زوجته يحاسبون .. هي تشيل الأغراض من العربانه و تحطهم على حزام الكاشير و هو وراها يشيل من العربانه و يطلع اللي ما يعجبه و يحذفه على ثلاجة البيبسي اللي يمه .. ما تحبونه .. ما تاكلونه .. أمس يايب منه


13- جهاز كي نت واحد يفتر بين عشر كاشيرات .. وانطر دورك عاد .. لو ساحب فلوس أشرف لك .. 


صج ولا مو صج  ..؟


6 التعليقات:

Made n Q8 يقول...

صح خصوصا ٤

موقع البوابة الالكتروني يقول...

تمت الإشارة إلى هذه التدوينة على موقعنا على الرابط التالي:
http://bit.ly/enVLoi

علي يقول...

لووووووووووووول

اي والله صج :)

البدري يقول...

صحيح مليون بالميه كلهم والاهم 4 + 13
وضيف رقم 14- عندك
في جمعيات المناطق الشماله والجنوبيه ( المناطق الخارجيه) طبعا هاذي مناطقنا وأنا مااتنطز عليهم بس ترى هذا من زود الكرم عندنا :))
وتلقى باخر الشهر دور على المحاسب كل واحد عنده 3 او 2 عرباين ورا بعض مليانين اغراض وغير كراتين الماي والدجاج طبعا وين تلقاهم عندنا بالمناطق... الشماليه والجنوبيه ( الجهراء وماحولها والعارضيه وماحولها والصباحيه وماحولها ..... ) =)) =))

نمووول يقول...

هههههههههههه صج
ومسكين الهندي صج ضايع ,,

بوعمر يقول...

تعال يا الحبيب
شنو نسيت اللى مو مصدق صاير عضو ويترزز في الجمعيه ويدور يتكلم مع اى واحد يعني اهو مدير وفي الاجتماعات محد يدري عنه

:)) ;)) :D ;) :p :(( :) :( :-o :-/ :| :-t b-( :-L x( =))

إرسال تعليق