مدونة الساخر : عدنــا من جديد 2015 .. عفوا للتواصل معي على التويتر : لا يوجد

كم زائر دخل المدونة ؟





*



الأحد، 30 مايو 2010

عيب يا عربي ويا قادسية (( الجماهير )) !!


- ما حدث بالامس 29/مايو في نصف نهائي لمباراة اليد الكويتية بين العربي والقادسية مصخره .. حيث جرت المباراة في صالة الدعية .. والمصخرة حدثت هناك ايضاً .. بعد انتهاء الشوط الاول حدث مشاجرة كبيرة بين الجمهورين بالبطول والأيادي والرجول .. والشرطة في خبر كان -من زمان وانا متبري من "أمن" الشرطة- ، حتى تدخّلت القوات الخاصه أخيراً وفصلت بينهم في مدرّج واحد .. وبالأخير رفعوا لافته الجماهير قائلا : "نبي صاله كبيرة!!" وانا اقول (( عمّك أصمخ )) !!
.
** ملاحظة : إكتملت "الهوشة" خارج الصاله بعصي كأنهم في البادية !

7 التعليقات:

ShaymoOona يقول...

انا شفت لقطات و الصراحه الوضع كان افشل مهزله مابعدها مهزله ..يعني ليش مايفصلون الملعب اسوولهم دبره :( على قولتك عمك اصمخ

ساره النومس يقول...

انا كظماوية مسالمة بس ما اتهور واتخبل نفس الناس لوووول

ساعات اقعد بالجامعة اشوف شباب يتهاوشون بكلاسنا احاول اقط اذوني بسمع شنو الموضوع المهم الي يخليهم يسبون بعض لووول

واحد يقول احنا غلبناكم والثاني يقول لو احنا مو مسويين جذي جان فزنا عليكم .. لا تكفة وايد شديتوا حيلكم لووووول

ويعصبون وساعات يتزاعلون شهالخبال ؟؟ اعتبر الي يتابعون المباريات ويتاثرون حيييييل متخلفين مع احترامي للجماهير لأن شهالموضوع الي يخليكم توصلون لهالدرجة ؟؟ @@

مو شرط جماهيرنا حتى مباريات الدوري الاسباني وهني شادين حيلهم انا برشلوني متعصب !! لا احلف بالله !! شدعوة هميتوا برشلونا ولا همها تشجيعكم ... خبال وربي

AM.SA.CHANNEL يقول...

نحنا نفتقر للروح الرياضية، و نادر ما تسمع واحد يقوول خسرنا و هذا نصيبنا، كله يقوولوون كله من الحكم واقف وياهم، أو المدرب.. أو نحنا خسرنا نباكم تفووززووون ..

و الله الكره لووعت جبد إستوت الواحد ما يشتهي يشووووفها

الراي الحر يقول...

انا كنت حاضر مباراة في انجلترا بين نادي مان سيتي وشيلسي وشفت الجمهور تهاوش وطق وبطول وعصي ....

الموسم اللي طاف نادي سعودي مع نادي اماراتي نزل جمهور الامارات الملعب يطق لاعبين السعودية !!!!

يا حبكم يالكويتيين حق الحجي والتحلطم بسكم بسكم ذبحتونا صايرين على طريـــــف !!!

sa5er يقول...

الراي الحر


شكلك حتى انت تحب الحجي ..
انا رايح لندن وبعض الدول الاوربية ، ورحت مباريات في إيطاليا .. بس الي انا اشوفه هناك غير "هون" .. هناك الهوشات والصراخ تكون [ فقط ] في الملعب وعند الخروج من ساحة ومدرجات الملعب فالكل ملتزم بالقانون .. حتى - تكرم - الكلينيكس محّد يقطّه بالشارع ، مو عندنا .. ينطرون بعضهم البعض برا الملعب - او عن الصاله - عشان "يكفخون" بعض !!


** هذا "شوف عيني" يا إخيي !

Princess Sarah يقول...

مرحبا ساخرنا
إعذرني في هالتعليق اللي راح اخرج فيه عن موضوع البوست

لكني اخترتك " مجبرة لا بطلة :) " لارتداء التاج السلطاني
المشاركة + الشروط تجدها في مدونتي
http://en3kaas.blogspot.com/

:

sa5er يقول...

تامرين أمر طال عمرج ..

:)) ;)) :D ;) :p :(( :) :( :-o :-/ :| :-t b-( :-L x( =))

إرسال تعليق