مدونة الساخر : عدنــا من جديد 2015 .. عفوا للتواصل معي على التويتر : @Ssa5er

كم زائر دخل المدونة ؟





الاثنين، 6 ديسمبر، 2010

الجويهل بو سبع أرواح !! - تحديث


- الجويهل ما مات يا "طرثوث" !!
الجويهل بو سبع أرواح !
الجويهل (( سـ يظِل )) يبصق !
بإختصار ; الطراثيث معروفين !
تدرون منو ؟
إلي طقوه !
ولعنو خيره ..
والي قالوا حيلكم فيه - بالعصي والسجاجين وربع "البراك" !!


لأنه الجويهل سألهم :
س1 : هل ابوك انت يا "المسلم" مزدوج أو لأ ؟
س2 : هدد بـ دي في دي لـ "البرّاك" بفضيحه كبيرة ؟
س3 : لقّب بعض الاعضاء بمسميات ( يستحقونها ) بجداره ؟ - الطرثوث !
س س س ...إلخ !






السعدون : مو رجّال - أو - مو (( ريّاااال )) !
قالها الجويهل اليوم : "السعدون نصب لي كميناً - اي يقصد "فخ"- !!
تتمّة الخبر هنا .


عن ابو داركم .. عندكم جنسيتين ومافي ولاء للكويت !
صج لي قالو .. يوم صار الغزو - الله لا يعوده - صار خط العبدلي مثل "الدم" .. خو لأنه الوانيتات والعربانات
 رايحه للجيران "منحاشين" !!


* بس اقولكم شغله ..
قسم-ن- بالله .. الجويهل ما راح يخلي الي طقّوه ..
مو هيّن ترا "هالجويهل" ..
وراح تزيد جماهريّته + يزيد الامن عليه + الحكومة - طبعاً- تحبه حب مو طبيعي لأنه فتح عينها على "بلوة المزدوجين" !!
وسمعوا مني .. الجويهل راح ينجح بالانتخابات القادمة وسيسقط "السعدون" !
وقولوا (( المدوّن - انا )) ما قلت !!


إنتهى ،،

16 التعليقات:

AM.SA.CHANNEL يقول...

أنا أقول لو الجويهل ما يدخل في السب، و فلان و علان، و لا يطلع عن حدود حرية التعبير.. و هو لو ذكي جان سوا هالشي و هو عند السعدون ..

بس في نفس الوقت غلط و أكبر غلط اللي سوووها ..
و الله يعينه الجويهل و يقومه بالسلامة

طموحة مملوحة يقول...

كنت اكره الجويهل واسلوبه للحين ماحب اسلوبه ( بس ) الحركة الي سوووها اهي اكبر خدمة قدموها للجويهل عمره ماراح ينساها :) لاني مثل ما انت قلت اتوقع ان بياخذ الانتخابات الياية :)

sa5er يقول...

يا اخوي شانيل :

الجويهل يسب الي ما عندهم ولاء للكويت وعندهم جنسية اخرى غير الكويت ومستفيدين منها .. والي يساعدونهم !
وكل كويتي يسبهم .. او ننتقدهم انتقاد "جارح" باسم الديموقراطية ..

مثلاً : لديكم في الامرات (( مواطن )) لديه جنسية اخرى غير الامرات ويستفيد من جنسيته الاخرى عن طريق السلب صمتاً ولا من شاف ولا من درى .. هل تصمت الحكومة والشعب الموقور ؟ لأ طبعاً !!

هذا ما يحدث الآن في الكويت !
** ولا تنسى الكويت تقدم مميزات كبيرة لصاحب الجنسية الكويتية وتتميز بكثير عن باقي دول العالم "أجمع" !!

الجويهل اعتقد - برأيي الشخصي - ما يقوم به ليس هز الوحده الوطنية .. لكن حرّك الحكومة نحو أناس يبطشون بالمال العام وهم في الاصل ليس لديهم ولاء - حتى 0 بالمِئة- للكويت !!

sa5er يقول...

طموحه مملوحة :

عزيزتي .. لا تعتبرين الجويهل سيسكت عن ما فعلوه (( المزدوجين )) - الطراثيث - به .. ولا تصدقي من قالوا بأنه "بصق" على صورة مسلم البراك حينها "طقّوه" !!

بل إنه وبعد شفائه سيلّقنهم درس هم ومن خلفهم من (( بعض )) اعضاء التكتل الشعبي المتسترين حولهم .. لا تنسين بأنه "الحكومة" أغلبها وعلى رأسهم وزير الداخلية صديق "بو دعي الجويهل" ..!!

تذكري ..
سيقف الجويهل يوماً في قاعة عبدالله السالم ليشنق "المزدوجين" في مشنقة السيف و"يذلّفهم" برا الديرة ..!

400 ألف مزدوج .. عدد مو شوية !
في يوم وليلة يمكن تصير ثورة ونقول للكويت الي عددهم ما يتعدى المليون "نفر" = بيباي !!

ابـراهيم الحوال يقول...

الجويهل تاج على راس الطراثيث ,, وحتى بفعلتهم هذي اثبتوا للعالم انهم جبناء بس بإذن الله بيصيدونهم واحد واحد وأولهم صحفي جريدة عالم اليوم نامي حراب المطيري

sa5er يقول...

^

كفوو ..
المدونة فيها عيال العم وانا ما ادري ..
حياكم قهوه جاي بسبوسه .. رهش !


** والمزاح جانباً !

AM.SA.CHANNEL يقول...

الساخر

بس عندي إستفسار حبيتك توضحه، الحين لما واحد يجنسونه عندكم مايسحبون عنه جوازه و جنسيته؟ و لا شو تقصدون بالإزدواج، لأنه نحنا ماسمعت إنها صارت عنا يعني واحد عايش بجنسية إماراتية و جنسية ثانية

sa5er يقول...

اخوي شانيل - ارحب بك من جديد :

خدمات الجنسية الامراتية او اي جنسية اخرى لا تتميز كما تتميز الجنسية الكويتيه في أنحاء دول العالم كلّها ..

القانون بالكويت يقول بأنه اذا مسكنا شخص لديه جواز كويتي وجواز آخر - سعودي مثلاً- يتم سحب الجنسية الكويتيه منه ويبعدونه إلى دولته الاصل السعودية !

يعني حالياً بالكويت فيه تقريباً أكثر من 200 ألف شخص مزدوج الجنسية واغلبهم لا يعيشون في الكويت فقط يتمتعون من خلال الجنسية الكويته ..

يتمتعون بـ :
1- رواتب الحكومة الدائمة
2- القروض الشخصية والعقارية وغيرها تصل إلى 70 ألف دينار
3- بيت
4- واشياء أخرى كثيرة لا تعد ولا تحصى ... إلخ

وهم خارج البلاد دون ولاء !
أنا اسميها : السرقة السرّية !!

AM.SA.CHANNEL يقول...

بس غريبة، كيف مب عايشين في الدولة على الرغم إنه الكويت لما تجنس ماتجنس بسهوولة و على حد علمي عندكم درجات في التجنيس ..

و ثاني شي الحكومة، خل الحكومة على صوب بنتكلم عن أمن الدولة، ما إنتبهوا لهالشي 200 ألف شخص مزدوج الجنسية؟؟ وين المسؤوولين عنهم ؟؟ !!

sa5er يقول...

^

ياخوي الي يساهم في اعطاء الجناسي هم "بعض" اعضاء مجلس الامه .. فما بالك يا عزيزي - الواسطات تتدخل في قلوب بعض ضعفاء النفوس من اعضاء مجلس الامه البرلماني !!

والي يفضحهم هو [ محمد الجويهل ] لذلك - بعض - الاعضاء الذي يمسهم الجويهل يرسلون له بعض الطراثيث ليضربونهم !

غير معرف يقول...

من ضرب الجويهل
لا يقصد ان يميته
من ضرب الجويهل
يحمل في قلبه الم وحسره وقهر
سببه الجويهل بعقليته اللتي تدعوا للفتنه وبقلة ادبه وبعدم احترامه للانسانيه ولكرامات الامه
...من ضرب الجويهل
عانى من ضياع حقه وشرفه وسمعته امام عينه ولا قانوم رادع للجويهل وامثاله
من ضرب الجويهل ناس قاعدين بحالهم واهوا ياااالهم بريوووله وتافل بوجه رجاال يعني شنو يبيهم يسووون يصفقوله مثلا!!!!
من ضرب الجويهل
رجال انقهروا والرسول عليه الصلاة والسلام حذر من قهر الرجاااال
وبالاخيير الله يشفيه ويشافي كل امة محمد عليه الصلاة والسلام

غير معرف يقول...

شخبار الشبكه التجسسيه الأيرانيه إلي نزلت علم الكويت ورفعت علم ايران على المعسكر الكويتي ؟؟؟؟؟؟؟؟ ليش سكته على الموضوع
شخبار المزدوج محمود حيدر حاجي دهداري الي مايعرف يتكلم عربي
شخبار جيش الثوره الأيراني الي يدخل الكويت يوميا خشاشي ولا عن طريق السفاره الايرانيه
شخبار المزدوج ناصر الخرافي والجنسيه الامريكيه وبوق الكويت من الشق لشق واخرتها بورت غالب 3 مليار خسرانه ويبي يبيعها للحكومه
شخبار سكوب الي تسب ال صباح وينداس ابطنهم عيال ال صباح علشان عائة حي الطرب
سلمني على الوطنيه الي اتكلم عنها ياصاحب المدونه انت وامثالك تركضون ورى احقاد شخصيه تافهه ولا انتوا صوب الوطن
الله يعز الكويت ويكافينا شر الفرس الحاقدين
سلام = ودي اقولها بالفارسي بس اسمحلي اصيل ماعرف فارسي :)

sa5er يقول...

^

جنّك تقول انا "شيعي" ؟
يبه انا سني والجويهل سني وابغض الشيعه لكن في الكويت لا فرق بيننا وبينهم إلا بالتقوى !

شدخل محمود حيدر والايرانيين بالهوشه بين الحكومة وندوة الحربش او ضرب الطراثيث للجويهل ؟

ممكن تحل الكلمات المتقاطعه ؟

غير معرف يقول...

جنك ما قريت عدل ؟
انا سألت وابي جواب محد قال انك رافضي ولا سني ولا تطرقت بتاتاً عن مذهبك
واذا عرفت اجاوب عن هالأسئله إلي فوق تراك بديت تفكر واذا فكرت راح اساعدك على حل الكلمات المتقاطعه
وسلمني على الرميلاوي الجويهل :)
واتمنى انك تفيدني من باب العلم بشيء فقط بعد اذنك
مع السلامه = شنو بالفارسي ؟

sa5er يقول...

1 min

أخوي شدخل الي قاعد تقولة بمحمد الجويهل عشان اقدر افيدك ؟
يعني راجع اسألتك كلها "هجوم" و ولا سؤال داخل بالمشكله بصفة رئيسية !

محاورك جميعها مثل مسلم البراك عندما يستجوب وزير الداخلية ويتحدّث عن محور آخر "فكاهي" !!

أنا طويل البال ..
وانت راعي طويلة .. فـ حدد اسئلتك الخاصه عن الحدث المُمَارس وانا من عيني اليمين قبل اليسار بفتح قلبي لك !

غير معرف يقول...

من حظك اني فاضي اليوم على الأقل انعش مدونتك إلي مافيها غيرك وغيري والكومبارس طبعاً :)
نقول بسم الله ونحاول ناخذ بيدك ونوصلك لطريق الصحيح لتفكير دون قيود الواضح بأنك ترى صغار الأمور وتترك الكبيره .. ..
انت موراضي تفهم لغة الرموز لسبب لانك تنظر لمدى 5 متر فقط وهو التلفاز .. الموضوع اكبر من ان يبث بالتلفاز ..بقولك بختصار شديد ..
انت لازلت ترى الجويهل رمز وبطل وانا ارى ما خلف الجويهل ..
المثل يقول :
( لا تضرب العبد فمن يستحق الضرب سيد العبد )
فهذا ما فعله النواب لانهم لايرون العبد بل يرون سيد العبد ..
وبالنسبه لموضوع محمود حيدر حاجي دهداري انا متأكد ان مثلك مع احترامي الشخصي لك لا يعلم بأن موضوع فيصل المسلم ورفع الحصانه هو خاص بموضوع الشيك وماعمله من ضجه واثبات فساد بعض النواب والشيك من بنك برقان وما ادراك ما بنك برقان وماعلاقة ابن دهداري بالبنك سالفة البنك بخليك تفكر وتبحث فيها مايصير كله انا افكر لك واسأل واجاوب ..
ومايخفيك مايملك دهداري من الاعلام الكويتي ومنها قناة سكوب وقناة فنون وجريدة الدار وقناة المختلف وقناةالعداله وقناة فلاش وقناةالسور ولازالوا العبيد هم من يهجمون وحبالهم بيد سيدهم :)
واتمنى انك ماتاخذ النقاش شخصي القصد التوضيح ولو بشيء القليل ..

:)) ;)) :D ;) :p :(( :) :( :-o :-/ :| :-t b-( :-L x( =))

إرسال تعليق