مدونة الساخر : عدنــا من جديد 2015 .. عفوا للتواصل معي على التويتر : لا يوجد

كم زائر دخل المدونة ؟





*



الاثنين، 11 أكتوبر 2010

700 دينار .. طارت على ذهب المداااام !!




- قبل جم يوم وديت "المدام" محلات ذهب في منطقة الفروانية إلي عند الحمرا مول ..
على اساس إنه معاي 30 دينار - لحّد يضحك - وبشتري خاتم .. دخلت أول محل 
وسألته : جم الغرام اليوم عندكم ؟
قالي : 10 وربع دينار ..
قتله : بل بل بل !!

فـ رجعت لمكينه السحب الآلي وسحبت 100 دك ..
وكنت "مبسوط" وفرحان لأني (( بفتك )) من حنّة المدام !

لكن تفاجأت إنه خاتمين إثنين دفعت عليهم 100 دينار نقدي ..!
ورجعت وسحبت من 100 ثانية - وانا كلي أسفٌ وحزين - فـ شريت خاتم واحد بـ 100 دك !!
ورجعت سحبت 300 دك على اساس إنه هالمبلغ بشتري لي خاتم فضه بـ 100 وهي 200 ..
بس للأسف الـ 300 دينار شريت لها 3 خواتم ذهب !!

نااار يا جماعه نااار !!
5 خواتم ذهب حتى "القطو" ما يلبسهم لأنهم "خفااااف" وثقلهم عادي بـ 500 دينار !!
ودفعت 200 دك - أخرى - حق 3 "مضاعد" للمدام !!!

وبجذي إنكسر ظهري هذا الشهر ..!
الله يخسكم يا محل الذهب .. خو سكروا محلاتكم بس "اليوم" !!
وكان الله بعون "الزوج"- الآخر - الذي سيذهب غدا ً ..!

ملاحظة : قبل كان الذهب رخيص وقيمة الغرام لا تتعدى الـ دنارين .. 
أما الآن فـ الدنارين أصبح يعادل 10 وربع ..
أي بمعني : الذهب في سنة 2002م كنت احصله بـ 8 دنانير للدبله الخفيفه !
أما الآن فأصبحت الـ 8 = 50 دك أو زياده .. هذي معادة سوق الذهب بالكويت ..!!


5 التعليقات:

AM.SA.CHANNEL يقول...

أحين محد يشتري ذهب السوق ظو و مرتفع .. الحين الناس يبيعون ذهبهم اللي مايبوونه ..
يقوولك الذهب سووقه مب ماشي موول، الحين ماشي سووق الذهب المستعمل أكثر و حتى إذا سرت تبيعه بييبلك قميمه

قوول حق المدام شو الذهب اللي ما تباااااه و سير بيعه ههههه يمكن إيبك 800 دينار و تدعيلي ههههههههه

Marwan.IQ يقول...

والله يا بو عزوز مب بس بالكويت هالكلام ..

الذهب صاير نار .. والفضة بعد ..

انا من كم اسبوع شريت لي قلادة فضة عادية بـ 160 $ ..

لكن لا تنسى إن الرواتب صعدت عن قبل .. يعني قبل كان الذهب رخيص .. الرواتب قليلة .. الحين الرواتب زادت .. الذهب وباقي الأشياء زادت ..

يعني بالنهاية الحال نفس الحال ..

بس ما فهمت كلمة " أفتك من الحنّة " ، يعني تطلق ؟

خويّك .. مروان ..

sa5er يقول...

لا يا حبيبي ..
الي تشتريه بـ خمسين دينار او درهم تبيعه وانت خسران طبعاً ..

الـ 50 يمكن تخسر منها بين الـ 20 والـ 15 دينار ..

انت فاهم الأمور مثلي تماماً قبل نحو 8 سنوات عندما قرأت قصّه "على بابا" !!

غير معرف يقول...

يه يه يه شهالزين الله يديم المحبه المهم رضى الاهل D:

بن سرناي يقول...

بصراحة قروب قمة الروعه خوووش منتدى

:)) ;)) :D ;) :p :(( :) :( :-o :-/ :| :-t b-( :-L x( =))

إرسال تعليق